puisi

 Nyen Ane Kaensapang?

Nyen Ane Ngensapang?

Sang sane sujati tan madue genah

Genah nyane karebutin

Karebutin, nanging tusing bisa ngundukang

Ngundukang gumi tusing taen

Taen, tuah ngundukang raga

Ragane padidi nugdugang kita

Kitan sang sane wikan kaensapang

Kaensapang olih ipun ane ngensapang

Ngensapang buat pikayunan

Pikayunan ane ngenah ngeranyab ane kagugu

Kagugu olih anake ane tusing rungu

Rungu ring budi, cita, lan yasan Sang sane sujati

Sujati makejang suba mabading

Mabading baan ngarasayang

Ngarasayang ane tan patut payu tuut

Tuut, ring pikayunan

Pikayunan ane ngensapang? Napi ane kaensapang?

Ane kaensapang patut itungang

Sampunang kaentungang.

                                                Luh Yesi Candrika,S.S.

                                                Sukra, Umanis, Menail.